Mipela long fisiotherapi depatment bai wokim wanpela open dai long Fraide 31 long March, wantaim liklik kaikai. Dispela taim ol wards long haus sik bai kisim wanpela spesol gift long fisioterapi depatment. Mipela wokim dispela open dai long tokim ol lain long wok bilong fisiotherapi long dispela haus sik. Na mipela askim olgeta wokman/meri bilong dispela haus sik long kam na lukim wok bilong fisioterapi.
Fisioterapi em i halivim long ol manmeri na pikinini husait igat hevi long movim bodi na husait igat hevi long sanap. Dispela halivim em i go antap long skin tasol.
Toktok long dokta bilong yu taim yu ting dispela kain terapi inap halivim yu.
· Sapos yu bin brukim lek bilong yu pinis na yu no wokabout ? lukim fisioterapi
· Taim pikinini bilong yu igat bagarap long kru (ino inap sindaun o wokabout) ? lukim fisioterapi
· Taim yu gat strongpela kus, i stap long bros bilong yu longpela taim ? lukim fisioterapi
· Taim yu ino inap pilim o movim leg, han na bodi ? lukim fisioterapi
Vivienne wok wantaim wanpela man husait i bin upim wanpela diwai. Taim em upim dispela diwai em bin kisim sampela bagarap long wireles rop bilong en. Em i no inap sindaun gut.
Sjoerd eksasaisim wanpela meri husait i bin brukim han bilong en. Han bilong en i kamap tait.
David tokim tupela wasman long eksasaisim lek bilong wantok bilong ol husait i bin kisim wanpela bagarap long baksait bun bilong en. Em no inap movim bodi bilong en.